စစ်တက္ကသိုလ်ထမင်းဝိုင်းမှသည်.......

ဒီပုံလေး မြင်တော့ ဗိုလ်လောင်းဘ၀ က ထမင်းဝိုင်းလေးကိုသွားသတိရတယ် ။
ထမင်းဝိုင်းမှာ နောက်ဆုံး နှစ်စီနီယာ ၂ ယောက် က စားပွဲရဲ့ထိပ်စည်းမှာ ထိုင်ပါတယ် ။
နောက်ဆုံး နှစ် တွေ ဘေး ကတော့ ဒုတိယနှစ်တွေ ပါ ။
ပြီးကျမှ ပထမ နှစ် ဂျူ နီယာ ဗိုလ်လောင်းတွေ ထိုင်ရတယ် ။

ထမင်းစားတဲ့ ပုံစံခွက် မှာ ဟင်းတွေက စားရိပ်သာ က ဝိတ်တာတွေက ခပ်ပေးထားပါတယ် ။
ဒါပေမဲ့ အလယ်မှာ ထား တဲ့ ထမင်းအုပ် ခပ်တာ ၊ သောက်ရေ ခွက်ခပ်တာကို ဂျူ နီယာ ဗိုလ်လောင်းတွေက လုပ်ပေးရတယ် ။

စာသင်ခန်း က ပြန်တာနောက်ကျလို့ ပဲဖြစ်ဖြစ် ၊ တခြား ကိစ္စ ကြောင့်ပဲဖြစ်ဖြစ် ထမင်းဝိုင်း ကို နောက်ကျရောက်ရင် နှစ်ကြီး စီနီယာတွေ ဆီမှာ ထမင်းဝိုင်းထဲ ထိုင်ခွင့်သွားတောင်းရတယ်။
လရဲ့ ပထမ ၂ ပါတ် အင်္ဂလိပ်လိုပြောရမဲ့ ချိန်ဆိုရင် .... Request Permission to sit sir. ပေါ့ ။
(မှတ်မှတ် ရရ ... ထင်းမင်းဝိုင်းတူ သူငယ်ချင်း က ပြောချင်ဇောလောကြီးပြီး Request Permission to sister ဆိုလို့ ... ဟာ first year ငါ့ညီမ လာတောင်းတယ် ..စမ်း နေပြီ ...ဆိုပြီး အအုပ်ခံရသေးတယ်... ) ...လရဲ့ နောက်ဆုံး နှစ်ပတ်ဆိုရင်တော့ " ထိုင်ခွင့် ပြု ပါ " ဆိုပြီး သွားတောင်းရတယ် ။ အဲဒီ ချိန် စီနီယာ ဗိုလ်လောင်းကလည်း ခွင့်တောင်းမှု ကိုလေးစားသောအားဖြင့် ...ထမင်းစားရပ်ထားရတယ် ။ ပြီးမှ ထိုင် ပါ ဆိုမှ ကိုယ် ထိုင်တဲ့ ခုံ ကို သွားထိုင်ရတယ် ။

ကုလားထိုင် ကို ထိုင်ရင် ထမင်းစားပွဲ နဲ့ ရင်ဘက်နဲ့ ကပ်ထိုင်ရတယ် ။ ကိုယ်တွေက တော က တက်လာတာဆိုတော့ ဇွန်းခက်ရင်းနဲ့ စားကျင့် မရှိပါဘူး ။ ထမင်းဝိုင်းမှာ စီနီယာတွေကပဲ ဇွန်းကို ကလောင်ကိုင် ၊ ခက်ရင်းကို ဓားကိုင် ကိုင်ရတယ်ဆိုပြီးသင်ပေးတယ် ။ ထမင်းစားနေရင်း စီနီယာ က စကားပြောတာပဲဖြစ်ဖြစ် ...ထမင်းထပ်ထည့်ဖို့ ပဲဖြစ်ဖြစ် .... ဇွန်းခက်ရင်းကိုချရင် ... ဇွန်း နဲ့ ခက်ရင်းရဲ့ အမြီးကို ကားပြီးချထားရတယ် ။ ခု ပုံထဲ က ကာချုပ် ချထားတဲ့ ပုံစံမျိုးပေါ့ ။
တကယ်လို့ ကိုယ် က စားလို့ အားလုံးပြီးသွားပြီ ... စီနီယာတွေ ကမပြီးသေးဘူးဆိုရင်တော့ ဇွန်းနဲ့ ခက်ရင်းကို ယှဉ်လျှက် ပူးချ ထားပြီး ...ပါးစပ်တွေ သုတ် ပြီး စီနီယာဆီ မှာ ထမင်းဝိုင်းထဲ က ထွက်ခွင့် သွားတောင်းရတယ် ။ ပြီးမှ ကိုယ့် ဇွန်းခက်ရင်းကို ဆေး တဲ့ နေရာယူပေါ့ ။

ဂျူ နီ ယာ ဗိုလ်လောင်းဘ၀ က အမြဲ ခုန်ပေါက် ၊ ပြေးလွှား နေရတော့ အာဟာရ ပိုလိုလေ့ရှိတယ်။
တကယ်လို့ အာဟာရမပြည့်ရင် ၊ ကယ်လ်စီယမ် ဓာတ်လိုတာတို့ ဖြစ်လာရင် ကြွက်သားအလှုပ်ရှားများတော့ ကျီးပေါင်းတက်တာ ခဏခဏ ဖြစ်ကြတယ် ။ ဒီဘ၀ က ဖြတ်သန်းလာ ခဲ့ တဲ့ ထမင်း ဝိုင်း စီနီယာတွေ က အနည်းဆုံး ထမင်းကို ၃ ပန်းကန်စားခိုင်းတယ် ။ ကျွေးသမျှ အသား အကုန်စားရတယ် ။ အမဲသား မစားလို့ ၊ ဝက်သားမစားလို့ ရှောင်ထားတယ်ဆိုလည်း မရဘူး ။ နွားနို့ ဆိုလည်း မသောက်ချင်လည်း သောက်ရတယ် ။ သူတို့ စကေးလ် ရတဲ့ နွားနို့တို့ ၊ ကြက်ဥ တို့ ဆို ကိုယ်က စားရတာ များတယ် ။ ဒါပေမဲ့ အဲဒီတုန်းကတော့ မစားချင်လည်း စား ၊ စားချင်လည်းစား ဆိုတော့ စိတ်ထဲ မှာ ကျဉ်းကြပ်တာတော့ အမှန်ပဲ ။ ကိုယ် က စီနီယာ ဖြစ်လာတဲ့ခါ ကျတော့ ကိုယ့် နဲ့ ထမင်းတူတူ စားတဲ့ ဂျူ နီယာတွေကို သဘောပေါက်အောင်ပြောပြရတယ် ။ ဘာကြောင့် စားသင့်တယ် ၊ ဘာကြောင့် စားရမယ်ဆိုတာ ကို ပြောပြရတယ် ။ တခါတခါ ကျတော့ စေတနာ ဆိုပေမဲ့ သဘောပေါက်နားလည်မှု မရှိရင် တစ်ဖက်မှာ အနေရခက်တယ်ဆိုတာ ကိုယ့်တွေ့ ကြုံခဲ့ ဖူးတော့ နားလည်တယ် ။

ကျောင်းတော်ကြီး က သင်ပေးလိုက်တဲ့ စီနီယာ ဂျူ နီယာ သံယောဇဉ်စည်းနှောင်မှု ဟာ ကိုယ်တိုင် ကြုံဖူးသူတစ်ယောက်မဟုတ်ရင်နားလည်ဖို့ ခက်ခဲ ပါလိမ့်မယ် ။ အမိန့် ပေး စနစ် အောက်မှာ နေကြသည့်တိုင် ... ညီ အစ်ကိုချင်းတွေ ကြားမှာ ထားတဲ့ Mutual Respect , Mutual Relation တွေ က ပြန်ပြော ပြဖို့ တော်တော်ခက်ပါတယ် ။

အခု လုပ်တဲ့ ကန်တော့ ပွဲ က ၁၄၊၁၅၊၁၆၊၁၇၊၁၈၊၁၉ ဆိုတော့ ကာချုပ်ဟာ ဂျူနီယာအကျဆုံးပါ ။
ရာထူးအရ လက်ရှိအကြီးဆုံးဖြစ်ပေမဲ့ သူ့စီနီယာတွေ ထမင်းစားရင်းစကားပြောနေတဲ့ ချိန် သူဘယ်လို စိတ်ထား မျိုး နဲ့ နားထောင် နေတယ်ဆိုတာ ... စစ်တက္ကသိုလ် တက်ခဲ့ ဖူးတဲ့ သူတွေ တော့ ကောင်းကောင်းနားလည်ကြပါတယ် ။

ရုပ် ဆိုး

Read More

ထို့ကြောင့် ကျနော်တို့ သိပ်ချစ်ကြလေသည်

သိမ်ငယ်နေတဲ့ မျက်ဝန်းတစ်ချို့ကို ကွယ်ဝှက်ရင်း....မရှက်တမ်း
လှမ်းနေတဲ့ ခြေလှမ်းတွေကို စားရိပ်သာဆီသို့.......
ဦးတည်လိုက်မိတယ်.....။ အမေ့ဆေးဖိုးနဲ့ အဖေ့လစာနဲ့
မလောက်တဲ့ အချိန် တစ်လရတဲ့ ဗိုလ်လောင်းလစာ
၂ သောင်းခွဲဆိုတော့ ....တကယ်တော့ မလုံလောက်ခဲ့ဘူးလေ။

ရာသီဥတုရဲ့ ကြမ်းတမ်းမှု...တွေ့ကြုံရတဲ့ မိုးတွင်းကာလတိုင်း
တလက်လက် မထနိုင်တော့တဲ့
စစ်ဖိနပ်ရှည်က တဖက်စောင်းနေပြီ..... တစ်ရံကို
၁ သောင်းကျော် ရှိတဲ့ အချိန် .....အသစ်မဝယ်နိုင်တိုင်း
အဟောင်း တစ်ဖက်ကို ပိုးပိုးစီးတက်လာခဲ့တာက လွဲရင်
အသစ်ဆိုတဲ့ စကားလုံးကို
မျက်ကွယ်ပြုထားခဲ့တာ ကြာပြီ မဟုတ်လား.........။

Lance Corporal (LC) လေးကို ကပ်ထားတဲ့
လက်မောင်း တစ်ဖက်မှာ တပ်ခွဲအုပ်ချူ ပ်မှု ကိစ္စတွေ
နဲ့ လုံးချာ လိုက်နေပြည်တော့....သူများေတွ အိပ်ချိန်ရောက်မှ
စာဖတ် ၊ စာကျက်ရတာလဲ အခါခါ ။ အိပ်ချင်စိတ်တွေ
ကြီးစိုးနေတဲ့.......
ကော်ဖီမစ်တွေ အစား ပေါင်တံမှာ ဘောပင်လ် စူးရာတွေပဲ
အဖတ်တင်လာခဲ့တယ်....။

လတစ်လရဲ့သောကြာနေ့ကို ရောက်တိုင်း အမြဲတွေးပူရတဲ့
အရာတစ်ခုက ၁၀၀ တန် လေးရွက်....
ကျန်ပါ့မလားဆိုတာကိုပေါ့.... တပါတ် ၁ ခါ
ညှပ်ရတဲ့ ခေါင်းပေါ်က ဆံပင်ကို ကြည့်ပြီး တစ်ခါတစ်လေ
၁၀၀ တောင်ရှာမရတဲ့ ဒုက္ခကလဲ အကြိမ်ကြိမ်..ကြုံရမြဲ။

သက်လုံ ၅ မိုင်ပြေးပြီး ပြန်လာတာနဲ့
ပထမဆုံးလုပ်ရမှာက ရေချိူ းပြီး ဖိုင်နယ် ရီးယား ဂါဒီယမ်*
ကိုစောင့်ရမယ်....။ အကိုအရင်း မတော်တဲ့ အကို
တစ်ယောက်ရဲ့ဂရုစိုက်မှုဆိုတာ စစ်တက္ကသိုလ်ရောက်မှ
ကိုယ်တိုင် တွေ့ကြုံရတဲ့ အရာတွေပေါ့.....။

စစ်တက္ကသိုလ် စရောက်တော့
ညတိုင်း ခြင်ထောင် လာချပေးပြီး ဘေးမှာ
အိမ်အကြောင်းတွေ မေးတတ်တဲ့ အကို ၊သူ့အခန်းကို
သူသန့်ရှင်းရေး လုပ်တဲ့ အချိန် ဖိနပ်ကလေး အမြင်မတော်လို့
လက်နဲ့ဖယ်ပေးမိလိုက်တာ ဖိနပ်ကိုင်ရမလားဆိုပြီး ဆွဲထိုးတဲ့
အကို........။

အဲဒီလို ညီအရင်းတစ်ယောက်လို ချစ်တတ်တဲ့ ဂါဒီယမ် အကို့ကို
ကျနော် သိပ်ချစ်တယ်.......။

စစ်တက္ကသိုလ် စာမေးပွဲ အတွင်းမှာ
စာကျက်တာ အိပ်ချင်နေမှာစိုးလို့
ဇီးထုတ် ကလေးနဲ့ ၊ခေါက်ဆွဲပြုတ်ထားတဲ့ ရေပုံး ခပ်ကြီးကြီးနဲ့၊
အငွေ့တထောင်းထောင်းထနေတဲ့ ကော်ဖီမစ်လေးနဲ့
ဂရုတစိုက်မပျက်ကွက်ပဲ ဂရုစိုက်တတ်တဲ့ သူပေါ့ ၊

အာ့နေ့က သောကြာ သက်လုံပြေးပြီး ပြန်လာတဲ့ အချိန်။
၈ နာရီမှာ စမယ့် အစည်းအဝေးမှာ ပထမနှစ် ဗိုလ်လောင်းတိုင်း
ဆံပင်ညှပ်အပြီးပေါ့ အိတ်ကပ်ထဲ ထည့်စမ်းလို့ လက်ဗလာ
အတိုင်းပြန်ပါလာတဲ့အခါ ဖိုင်နယ်ရီးယား ဂါဒီယမ်ဆီ
ကျနော်ပြေးပြီ၊

၂ မိနစ်လောက်ပဲ ကြာတဲ့ ဆံပင်ညှပ်ဆိုင်ထဲက
ကျနာ်ထွက်လာတော့ တကိုယ်လုံး ပေါ့ပါးနေပြီ။မဖြစ်
မနေလုပ်ရမယ့် အလုပ်တစ်ခု ပြီးမြောက်သွားတဲ့
အချိန် ဖြစ်ပေါ်လာတတ်တဲ့ ခံစားချက်မျိူ းပေါ့၊

စနေနေ့ဗျူ ဟာစသင်တော့ ကျနော့် ဂါဒီယမ်
အရိုက်ခံရတယ်ဆိုတဲ့ သတင်းကို ကျနော်သဲ့သဲ့ကြားမိလိုက်တယ်။

နောက်တစ်ရက်ကျော် တနင်္ဂနွေ နေ့ရောက်လို့ out pass*ရတဲ့
အချိန်။ အဲ့နေ့က ကျနော့်အမေ ကျနော့်ကို ဧည့်တွေ့
လာတွေ့သည့်နေ့။တပ်ပြင်ထွက်ခွင့်
ပေးတဲ့ ဝတ်စုံတန်ဆာထဲက ခါးမှာ ပတ်တဲ့ ရွှေနှင်းဆီ *
ခါးပတ်က ကျိူ းသွားတော့ ပြောင်လက်နေအောင် ပြင်ဆင်ထား
တဲ့ သူ့ခါးပတ်ကို ကျနော့်ကို ပေးပတ်တယ်။အဲ့နေ့က
ရှားရှားပါးပါး ချစ်သူများနေ့။ ပြစ်ဒဏ်ကျ ဗိုလ်လောင်းကလွဲရင်
အကုန်ထွက်ကျမည်မို့ မည်သူ့ဆီကမှ ငှားမရ
ပြီးတော့ (c) ဆောင်က ဧည့်တွေ့ဆောင်မှာ စောင့်နေမယ့်
အစ်မတစ်ယောက်ကို ကျနော်နဲ့လူကြုံပါးပေးလိုက်တဲ့
စာလေးတစ်စောင်.......

ကိုယ့်ရှေ့မှာ မပြုံးပျော်နိုင်တဲ့ အစ်မတစ်ယောက်ရဲ့မျက်နှာကို
အကဲခတ်ရင်း အကိုပေးလိုက်တဲ့ စာက
ဘာများဖြစ်နေမလဲ မအားလို့ပါလို့ပြောလိုက်ပါဆိုတဲ့ အကို့
အမှာစကား ကို ကျနော်ပါးတော့ ဖြတ်ခနဲ ပျက်သွားတဲ့ အဲ့အစ်မ
မျက်နှာ။

ကျနော်တို့သွေးမတော် သားမစပ်ပေမယ့် ဘာလို့များ
ဂါဒီယမ်တွေကို ညီအကိုရင်းလို ချစ်သလဲဆိုရင်
.............
.......
...
...
...
...
...
...
...

ဂါဒီယမ်=အထက်အောက် အုပ်ချူ ပ်မှု
လွယ်ကူစေရန် ဖွဲ့စည်းထားသော Systemတစ်ခု။
Out pass =တပ်ပြင်ထွက်ခွင့်။
Lance coporal =ဒုတိယနှစ် တွင်တပ်ဆင်ရသော
တာဝန်ကျ ဗိုလ်လောင်း အဆောင်အယောင်။

စာကြွင်း။

စနေနေ့အရိုက်ခံရသော အကို ဂါဒီယမ်၏ ပြစ်မှုမှာ
ဆံပင်မညှပ်သော ကြောင်ြ့ဖစ်ပါသည်။
အကြောင်းမှာ သူညှပ်မည့် ပိုက်ဆံအား
ကျနော့်အား ပေးညှပ်စေသောကြောင့် ဖြစ်ပါသည်။

တနင်္ဂနွေနေ့ သူ့ကောင်မလေးဆီ ထွက်မတွေ့ရသည်မှာ
ကိုယ့် ချစ်သူထက်.......
ဂါဒီယမ် ညီငယ် ကျနော့်ရဲ့မိဘနဲ့တွေ့မည်ကို
ဦးစားပေးလိုက်သောကြောင့် ဖြစ်ပါသည်။

ပုံရိပ်စစ်

Read More

*မသန်းစွမ်းရွာ*ရှိ အင်္ဂါမသန်စွမ်းသူများနှင့် ခြေထောက်ဖြတ်ထားရသော ဝန်ထမ်း ၁၀၁ ယောက်အား လှူဒါန်း

အမှတ်စဉ်(၅၃)မှအရာရှိများသည်
*မသန်းစွမ်းရွာ*ရှိ အင်္ဂါမသန်စွမ်းသူများနှင့် ခြေထောက်ဖြတ်ထားရသော
ဝန်ထမ်း ၁၀၁ ယောက်အတွက်
T-Shirt ၉၁ ထည်၊

သစ္စာပါရမီ ပရဟိတ ညီအစ်ကိုများအဖွဲ့မှ
T-Shirt ၁၀ ထည်၊
ပုဆိုး ၁၀ထည်၊

အထွေအထွေ လိုအပ်ချက်များသုံးစွဲရန်အတွက် ၅၀၀၀၀ ငါးသောင်းကျပ် နှင့်
ညီမလေး ဖန်ဆင်းသူမှ ပုဆိုး ၉၁ထည်နှင့်
၅၀၀၀၀ ငါးသောင်းကျပ်၊

စုစုပေါင်း အဝတ်ထည်အတွက် ၄၅၄၈၀၀ လေးသိန်းငါးသောင်းလေးထောင့်ရှစ်ရာကျပ်
ငွေပဒေသာပင် အတွက် ၁၀၀၀၀၀ တစ်သိန်းကျပ် လှူဒါန်းခဲ့ပါတယ်။

မသန်းစွမ်းရွာရှိ ဝန်ထမ်းများအတွက်
အားလုံးပေါင်း ၅၅၄၈၀၀ ငါးသိန်းငါးသောင်းလေးထောင်ရှစ်ရာကျပ် လှူဒါန်းခဲ့ပါတယ်ခင်ဗျာ။

ပြုမိသမျှ ကုသိုလ်များအား ပြန်လည်မျှဝေပါတယ်။

Moon Ko Ko 

Read More

ကျဆုံးသွားသော စစ်သည်မာျးအား ရည်စူး၍ လှူဒါန်း

အမှတ်စဉ်( ၅၃ ) အရာရှိများမှ ( 25.2.2013 ) ရက်နေ့တွင်
ဒုတိယ အကြိမ်အဖြစ် ကျဆုံးသွားသော စစ်သည်များအတွက် ရည်စူး၍
ပြည် တစ်ဘက်ကမ်း ပန်းတောင်းမြို့နယ်
ကျီးပင်ကန်ရွာ မူလွန်ဘက စာသင်ကျောင်းအတွက်
အလှူငွေ (၄၂၀၀၀၀)လေးသိန်းနှစ်သောင်း ကျပ်ကို
လှူဒါန်းခြင်း ။
ကုသိုလ်ကောင်းမှုများအား အမျှပေးဝေပါတယ် ခင်ဗျာ

Read More

မသန်စွမ်းရွာရှိ အင်္ဂါမသန်စွမ်းသူများအား လှူဒါန်း

အမှတ်စဉ်(၅၃)မှ အရာရှိများသည် ဇွန်လကုန်တွင်ကောတ်ခံရရှိသောအလှူ ငွေအား
*မသန်းစွမ်းရွာ*ရှိ အင်္ဂါမသန်စွမ်းသူများနှင့် ခြေထောက်ဖြတ်ထားရသော
ဝန်ထမ်း ၁၀၁ ယောက်အား တစ်ဦးလျှင် ၂၅၀၀ကျပ်နူန်းဖြင့်
အလှူ ငွေ ၂၅၂၅၀၀(နှစ်သိန်းငါးသောင်းနှစ်ထောင့်ငါးရာကျပ်)အားလှူ ဒါန်းခဲ့ပါတယ်ခင်ဗျာ။

ဒီရွာလေးဟာ မန္တလေး- ပြင်ဦးလွင်လမ်း ကျောက်ချောရွာအနီး ၇မိုင် ချောင်းသာသွားတဲ့ 
လမ်းပေါ်မှာတည်ရှိပြီး အလုပ်အကိုင်အခတ်ခဲရှိပီး၊စားဝတ်နေရေး အလွန်ခတ်ခဲလှပါတယ်ခင်ဗျာ။

ကျွန်တော်တို့အနေဖြင့် နောက်တစ်ကြိမ်ထပ်မံ လှူ ဒါန်းရန်စီစဉ်ထားပါတယ်ခင်ဗျာ။
(ဓမ္မမိတ်ဆွေ သူတော်ကောင်းများ လှူ ဒါန်းလိုပါက
ကျွန်တော် Moon Ko Ko ထံတွင်ဖြစ်စေ၊ ဦးတင်ထွန်းထံဖြစ်စေ ဖုန်း ၀၉၂၅၉၀၆၅၄၀၈၊ ၀၉၆၅၀၅၄၄၆
ဆက်သွယ်လှူ ဒါန်း နိူင်ပါတယ်ခင်ဗျာ။)
သာဓု သာဓု သာဓုပါ...

Read More

သူငယ်ချင်းတို့ရေ.... ပဲခူးတိုင်းအတွင်းရှိ ရွားလေးတရွာမှာ သိမ်ကျောင်းဆောင်သစ် လှူဒါန်းပါ့မယ်....

ကျွန်တော်တို့ စစ်တက္ကသိုလ်အမှတ်စဉ် (၅၃)မှညီအကိုများ စုပေါင်း၍ ပဲခူးတိုင်းအတွင်း မှ ရွာလေးတစ်ရွာတွင် သိမ်ကျောင်းဆောင်သစ် တစ်ခုအားဆောက်လုပ် လှူဒါန်းသွား ရန်တိုင်ပင်ထားပါသည်။ ကျဆုံးသွားသော သူငယ်ချင်းများနှင့်စစ်သည်များအား ရည်စူး၍ ကျောင်းဆင်း (၄)နှစ်ပြည့်အမှီ ဆောက်လုပ်လှူဒါန်းနိင်ရန်အတွက် သူငယ်ချင်းတွေဒီနေ့ ဒုတိယအကြိမ်အစည်းဝေးပြုလုပ်ခဲ့ပါသည်။ 

==================================================

အသေးစိတ်သိရှိလိုသည်များကိုမေးမြန်းနိုင်ပါသည်။လိုအပ်သည်များကိုအကြံဉာဏ်ပေးနိုင်ပါသည်။ ဆောင်ရွက်နေပုံများကိုအင်တိတ် ဂရုတွင်သွားရောက်ကြည့်ရှုနိုင်ပါသည်။

==================================================

(၅၃)ကျောင်းဆင်းတစ်ဦး....

Aung Naing

Read More

ရွှေဘိုမြို့နယ်၊ ဝါးရုံကန် ကျေးရွှာ ၊ စစ်ကိုင်းတိုင်း ဒေသကြီး တွင်သာသန ဝေပုလ္လ ကျောင်းတိုက် ဆောက်လုပ်ရန် အတွက် ဒေါ်လာ(၂၀၀) လှူဒါန်း

အမှတ်စဉ် ( ၅၃) အရာရှိများမှ ( ၂၀၁၄ ) ခုနှစ် ဖေဖော်ဝါရီ လတွင်ရွှေဘိုမြို့နယ်၊ ဝါးရုံကန် ကျေးရွှာ ၊ ၊ စစ်ကိုင်းတိုင်း ဒေသကြီး တွင်သာသန ဝေပုလ္လ ကျောင်းတိုက် ဆောက်လုပ်ရန် အတွက်
အလှူငွေ ဒါ်လာ ( ၂၀၀ ) လှူဒါန်းခဲ့ ပါတယ်ခင်ဗျာ......

ဘယ်နေရာကိုလှူတယ်၊ ဘာအတွက်လှူတယ်ဆိုပြီးဖော်ပြရခြင်းမှာ ကြွားဝါလိုခြင်း မဟုတ်ပါ ။
မိမိတို့ ပြုခဲ့ဖူးသော ကုသိုလ်ကောင်းမှုများကိုမိတ်ဆွေ သူငယ်ချင်းများ အားလုံး မုဒိတာ ပွားခြင်းအားဖြင့်
ကုသိုလ်ရရှိစေရန် ဖြစ်ပါသည် ခင်ဗျာ..

From:Ko Gyi Phyo
Admin

Read More